کراچی کے علاقے بلدیہ ٹاؤن کے مختلف علاقوں میں کومبنگ آپریشن کیا گیا ہے جس کے دوران 82 افراد کی جانچ پڑتال کی گئی جن میں سے 3 مشتبہ افراد کو حراست میں لے لیا گیا۔
ایس ایس پی بلدیہ کا کہنا ہے کہ آپریشن میں مدینہ کالونی اور بلدیہ ٹاؤن کی 5 پولیس موبائلوں سمیت 42 اہلکاروں نےحصہ لیا۔
دوسری جانب پولیس نے حب ریور روڈ پر رئیس گوٹھ سے 3 جرائم پیشہ افراد کو گرفتار کیا ہے۔
ادھر کراچی کے علاقے قائد آباد میں لوٹ مار کرنے والے 2 ڈاکوؤں کو شہریوں نےپکڑ لیا، جن پر تشدد کے بعد پولیس کے حوالے کر دیا گیا۔