پاکستان امن کیلئے اقوام متحدہ سے شراکت چاہتا ہے: وزیر دفاع

وزیر دفاع خرم دستگیر نے کہا ہے کہ پاکستان قیام امن کیلئے اقوام متحدہ اور اس کے رکن ممالک کے ساتھ شراکت داری چاہتا ہے۔

وینکور میں اقوام متحدہ میں امن مشن کے وزرائے دفاع کےاجلاس سے خطاب کرتے ہوئے ان کا مزید کہنا تھا کہ 21 ویں صدی میں درپیش سیکیورٹی چیلنجوں کا مکمل ادراک ہے۔

وزیر دفاع نے مزید کہا کہ اقوام متحدہ نے پاکستان کے امن کےقیام کے لیے جنگی آلات اور فوجیوں کی فراہمی کا وعدہ کیا تھا۔

انہوں نے اس بات کی بھی تصدیق کی کہ اقوام متحدہ نے قیام امن کے لیے پاکستان کی تیاری کو نمایاں قرار دیا ہے۔

خرم دستگیر کا یہ بھی کہنا تھا کہ مظالم کی روک تھام کے لیے امن فوجی دستوں کی تعیناتی اقوام متحدہ کے لیے بڑا چیلنج ہے۔