صحرائے تھل میں 3روزہ جیپ ریلی کا باقاعدہ آغاز

صحرائے تھل میں تین روزہ جیپ ریلی کا باقاعدہ آغاز ہوگیا، آج پہلے دن گاڑیوں کی رجسٹریشن کا عمل مکمل کرکے کوالیفائنگ راؤنڈ شروع ہوگیا ہے۔

مظفرگڑھ اور لیہ کے صحرائے تھل میں جیپ ریلی کے کوالیفائنگ راؤنڈ کا آغاز ہو گیا ہے، صحرائے تھل میں 176 کلومیٹر لمبا ٹریک بنایا گیا ہے، جیپ ریلی میں ملک بھر کے نامور ڈرائیورز حصہ لے رہے ہیں۔

کوالیفائنگ راؤنڈ پاس کرنے والے جیپ سوار دو کیٹگری میں حصہ لے سکیں گے۔ ہفتہ کو اے کیٹگری اور اتوار کو بی کیٹگری کی ریس ہوگی۔

کیٹگریز میں پوزیشن لینے والے ڈرائیورز کو اتوار کی رات مظفر گڑھ اسٹیڈیم میں ایک تقریب میں انعامات دیے جائیں گے۔