ڈاکٹر عاصم حسین نے پیپلزپارٹی کراچی ڈویژن صدر کے عہدے پر کام کرنے سے معذرت کرلی ہے۔
ڈاکٹر عاصم نے آصف علی زرداری سے رابطہ کیا اور کہا کہ بیرون ملک سرجری کے لیے جانے کی وجہ سے پارٹی عہدے پر کام جاری نہیں رکھ سکتا، عام کارکن کی حیثیت سے کام کرتا رہوں گا۔
واضح رہے کہ ڈاکٹر عاصم حسین پی پی کے سابق دور حکومت میں مشیر پیٹرولیم رہ چکے ہیں، انہیں رینجرز نے دہشت گردوں کے علاج و معالجے کے الزام میں گرفتار کیا تھا ۔
ڈاکٹر عاصم کے خلاف نیب نے کرپشن کا ریفرنس بھی کیا تھا۔مقدمات میں ضمانت کے بعد پی پی کے شریک چیئرمین آصف علی زرداری نے ڈاکٹر عاصم حسین کو پیپلز پارٹی کراچی ڈویژن کا صدر بنایا تھا۔