مشرق وسطیٰ سے متعلق فرانسیسی پالیسی جانبدارانہ ہے ،ایران

ایران نے کہا ہے کہ مشرق وسطیٰ سے متعلق فرانسیسی پالیسی جانبدارانہ ہے اور یہ علاقائی تنازع کو ہوا دے رہی ہے۔

ایرانی حکومت کا یہ ردعمل فرانسیسی وزیر خارجہ ژاں یاوس لیڈرین کے اُس بیان کے نتیجے میں آیا ہے، جس میں فرانسیسی وزیرخارجہ نے کہا تھا کہ ایران خطے میں بالادستی قائم کرنے کی خواہش رکھتا ہے۔

تہران میں وزارت خارجہ کے ترجمان کا کہنا ہے کہ فرانسیسی پالیسی سے ممکنہ بحران بھی اب حقیقت میں ظاہر ہونا شروع ہو گئے ہیں۔

واضح رہے کہ فرانسیسی وزیرخارجہ گزشتہ روز سعودی عرب کے دورے پر آئے اور انھوں نے سعودی قیادت سے ملاقات کے دوران ایرانی پالیسی پرتنقید کے ساتھ ساتھ لبنان کے مستعفی وزیراعظم کے حوالے سے حزب اللہ پر کڑی تنقید کی تھی۔