سعودی عرب:اثاثوں سے دستبرداری پرشہزادوں کی رہائی زیر غور

سعودی حکومت زیرحراست شہزادوں کو اثاثوں سے دستبردار ہونے کی شرط پر رہا کرنے پر غور کررہی ہے۔

غیرملکی خبرایجنسی نے ذرائع کے حوالےسےرپورٹ دی ہے کہ زیر حراست کاروباری شخصیت کے بینک اکاونٹس سے کروڑوں سعودی ریال نکلوائے گئے ہیں۔

زیرحراست اعلیٰ سرکاری اہلکار نے 4 ارب سعودی ریال کی مالیت کے حصص سے دستبردار ہونے پر رضامندی ظاہر کر دی ہے۔

سعودی حکام گرفتار شہزادوں کےاثاثوں کاجائزہ لےرہے ہیں،اور ان کےبینک اکاونٹس میں موجودرقوم کواثاثوں سےالگ کررہےہیں۔

خبرایجنسی کےمطابق سعودی حکام کی طرف سے اس بارے میں کچھ نہیں کہا جا رہا ، ناہی ذرائع اپنی شناخت ظاہر کرنے کے لیے تیار نہیں ہیںجبکہ زیر حراست افراد سے انفرادی سطح پر ہونے والے معاہدوں کو عام نہیں کیا جا رہا۔
۩
سعودی عرب میں درجنوں شہزاے، اعلیٰ حکام اور بڑی کارروباری شخصیات بشمول کابینہ کے کئی اراکین اور ارب پتی لوگ اس وقت کرپشن کو ختم کرنے کے نام پر شروع کی گئی مہم کے تحت حراست میں ہیں۔