سابق قومی کرکٹر وسیم اکرم نے کہا ہے کہ پاکستان میں کرکٹ بہتر ہو رہی ہے، انٹرنیشنل کرکٹ واپس آرہی ہے۔
سوئنگ کے سلطان وسیم اکرم نے ملتان میں میر خلیل الرحمان میموریل فاؤنڈیشن کے زیر اہتمام نشتر اسپتال میں ذیابیطس آگاہی سیمینار میں مہمان خصوصی کی حیثیت سے شرکت کی ۔
صحافیوں سے بات کرتے ہوئے انہوں نے کہا کہ پاکستان کرکٹ ٹیم نے سری لنکا کو تمام میچز ہرا کر ثابت کیا کہ ہماری کرکٹ مضبوط ہو رہی ہے۔
وسیم اکرم نے کہا کہ احمد شہزاد کو تنقید کا نشانہ بنانا سمجھ سے باہر ہے ، احمد شہزاد اس وقت بھی جیتنے کی پوزیشن میں ہے ۔