گنے کی قیمتیں مقرر نہ کرنے اورشوگر ملز میں کام شروع نہ کرنے کے خلاف کاشتکاروں کاسکھر کے قریب قومی شاہراہ گمبٹ بائی پاس پر احتجاجی دھرنا دوسرے روز بھی جاری ہے۔
احتجاجی دھرنے کے باعث ٹریفک کی روانی بری طرح متاثر ہوئی اورکئی کلو میٹر تک گاڑیوں کی لمبی قطاریں لگ گئیں ۔
مظاہرین کا کہنا ہے کہ پنجاب میں گنے کی قیمتیں مقرر کرکے شوگر ملز میں کام شروع کردیا گیا ہے،شوگرملز مالکان کی جانب سے گزشتہ سال کے واجبات بھی ادا نہیں کیے گئے۔
کاشتکاروں نے مطالبہ کیا ہے کہ حکومت سندھ فوری قیمتیں مقرر کرکے شوگر ملز میں کام شروع کرائے۔