بھارت کا اسرائیل سے میزائل کی خریداری کا معاہدہ منسوخ

بھارت نے اسرائیل کے ساتھ پچاس کروڑ ڈالرمالیت کا میزائل کی خریداری کا معاہدہ منسوخ کر دیا، رافیل ایڈوانس ڈیفنس سسٹم کی رقم پر بات چیت کے بعد حتمی دستخط ہونے تھے۔

دہلی میں بھارتی وزارت دفاع کے مطابق ڈیفنس ریسرچ اینڈ ڈویلپمنٹ آرگنائزیشن کو مین پورٹیبل اینٹی ٹینک گائیڈڈ میزائل کی تیاری کا کہا ہے اور اسرائیل کے ساتھ اسپائیک اینٹی ٹینک گائیڈڈ میزائل کا معاہدہ منسوخ کرنے کا فیصلہ کیا گیا ہے۔

بھارتی میڈیا کے مطابق مودی حکومت نے اسرائیل سے معاہدہ منسوخ کرنے کا اعلان ایسے وقت پر کیا ہے جب بھارتی فوج کو میزائلوں کی بہت زیادہ کمی کا سامنا ہے۔