شام کے صدر بشار الاسدنے روس کے شہر سوچی میں ولادی میر پیوٹن سے ملاقات کی ،دہشت گردی کے خلاف جنگ میں کامیابیوں پر پیوٹن نے شامی صدر کو مبارکباد دی ۔
دریں اثنا کل ولادی میر پیوٹن سوچی میں ترک اور ایرانی صدور سے بھی ملاقات کریں گے۔روسی حکام کا کہنا ہے کہ دونوں رہنماؤں کے درمیان ملاقات میں شام کے معاملے پر بات ہوئی۔
پیوٹن کا کہنا تھا کہ دہشت گردی کے خلاف جنگ میں شام آخری مرحلے کے نزدیک پہنچ گیا ہے۔انہوں نے کہا کہ جنگ کے خاتمے کے بعد شام میں سیاسی حل اہم مسئلہ ہے۔
روسی صدر نےارادہ ظاہر کیا ہے کہ وہ شام کے معاملے پر قطر کے امیر ،امریکی صدر اور دیگر علاقائی ملکوں کے رہنماؤں سے بھی ملاقات کریں گے۔بشار الاسد نے سیاسی اور فوجی تعاون پر روس کا شکریہ ادا کیا۔