شمالی عراق خودکش دھماکا، 32افراد ہلاک، متعدد زخمی

عراق کے شمالی علاقے میں ٹرک بم دھماکے میں ہلاک ہونے والوں کی تعداد بتیس سے تجاوز کرگئی جبکہ درجنوں افراد زخمی ہوگئے۔

پولیس حکام کے مطابق خودکش حملہ آور نے شمالی صوبہ صلاح الدین کے قصبہ توز خرماطو کی مارکیٹ میں گاڑی کو دھماکے سے اڑادیا، دھماکے میں جاں بحق ہونے والوں میں زیادہ تر شہری شامل ہیں، زخمیوں کی تعداد چالیس سے زائد بتائی گئی ہے۔

اسپتال حکام کی جانب سے اموات میں اضافے کا خدشہ بیان کیا جا رہا ہے،ابھی تک کسی گروپ نے دھماکے کی ذمہ داری قبول نہیں کی تاہم حکام اس دھماکے کا الزام داعش پر عائد کررہے ہیں۔