پاکستان کی معروف اداکارہ ماہرہ خان نے لاہور میں فیض انٹرنیشنل فیسٹیول میں شرکت کی جہاں معروف اداکار اور ہدایت کار سرمد سلطان کھوسٹ اور میرا ہاشمی نے ان کا انٹرویو کیا۔
انٹرویو کے دوران ماہرہ سے ان کی نئی فلم ʼورنہʼ، آنے والے پروجیکٹس اور فلمی کیریئر کے حوالے سے متعدد سوال کیے گئے۔ جب ان سے پوچھا گیا کہ وہ اب بیرون ملک کہاں کام کرنے کا ارادہ رکھتی ہیں تو ماہرہ نے ایرانی فلموں میں کام کرنے کی خواہش کا اظہار کیا۔
ماہرہ نے کہا ʼایرانی فلم کرنا ہر لحاظ سے مشکل ہوگی کیونکہ فارسی زبان بالکل مختلف ہے لیکن ایک دن میں یہ ضرور کرنا چاہوں گی۔‘
ماہرہ نے رواں برس بالی وڈ انڈسٹری میں ڈیبیو کرتے ہوئے فلم ʼرئیسʼ میں شاہ رخ خان کے ساتھ اداکاری کے جوہر دکھائے تھے۔
ماہرہ بالی وڈ کے بعد لولی وڈ میں بھی اپنی دھاک بٹھا دی ۔ فلم ’ ورنہ‘ نے تین کروڑ روپے کا بزنس کر کے پاکستان میں زیر نمائش بھارتی فلموں کو مات دیدی۔
ذرائع کے مطابق ہدایتکار شعیب منصور کی فلم ’ورنہ‘ ریلیز کے بعد اب تک تقریباً 3کروڑ روپے کا ریکارڈ بزنس حاصل کرنے میں کامیاب ہو چکی ہے ۔