بھارت کے شہر گوا میں انٹرنیشنل فلم فیسٹیول آف انڈیا 2017 ء کا آغاز ہوگیا ہے ۔ فیسٹیول 28 نومبر تک جاری رہے گا۔
بھارتی میڈیا کے مطابق انٹرنیشنل فلم فیسٹیول آف انڈیا (آئی ایف ایف آئی) کے 48 ویں ایڈیشن کا افتتاح بالی ووڈ کے کنگ ’شاہ رخ خان‘ اور وزیر اطلاعات سمرتی ایرانی نے کیا۔
فلم فیسٹیول میں82 ممالک کی 195فلمیں دکھائی جائیں گی جس میں 10 عالمی، 10 ایشیائی و بین الاقوامی اور 64 بھارتی فلموں کے پریمیئرز شامل ہیں۔
اس سال کی تقریب میں کنیڈا نمایاں رہا جس کی 8 فلمیں بہترین فلم کی کیٹیگری میں شامل کی گئیں جبکہ کینیڈا کےاسٹیج ڈائریکٹر ’ایٹم ایگویان‘ کو لائف ٹائم اچیومنٹ کے ایوارڈ سےبھی نوازا گیا۔
بہترین فلمی شخصیت کاایوارڈ بلاک بسٹر اداکار ’امیتابھ بچن‘ کے نام رہا تاہم ان کے علاوہ بھی دیگر مشہور شخصیات کو مختلف ایوارڈ سے نوازا گیا۔
تقریب کے افتتاحی موقع پر گفتگو کرتے ہوئے وزیر اطلاعات سمرتی ایرانی کا کہنا تھا کہ آئی ایف ایف آئی تجربہ کارفلموں اور نئے ابھرتے ہوئے فنکاروں کے لیے ایک بہترین پلٹ فارم ہے۔‘