کراچی میں رواں نومبر گزشتہ سال سے زیادہ سرد ہے، محکمہ موسمیات

ڈی جی محکمہ موسمیات ڈاکٹر غلام رسول کا کہنا ہے کہ کراچی میں رواں ماہ نومبر پچھلے سال کے نومبر سے زیادہ سرد گزر رہا ہے۔

ڈی جی محکمہ موسمیات نے بتایا کہ قندھار سے ٹھنڈی ہوائیں کراچی آنے سے درجہ حرارت گر رہا ہے۔

انہوں نے بتایا کہ کل سے شہر کے درجہ حرارت میں ایک سے 2 ڈگری سینٹی گریڈ اضافہ ہوگا۔

اس کے علاوہ بلوچستان کے مختلف شہروں میں خشک ہواؤں نے بھی سردی کی شدت میں اضافہ کیا ہے ، گلگت بلتستان آزاد کشمیر، خیبر پختو نخوا کے دیگر بالائی علاقے بھی سردی کی لپیٹ میں ہیںجبکہ سندھ سمیت پنجاب کے بیشتر شہروں میں بھی ٹھنڈ بڑھ رہی ہے۔

محکمہ موسمیات کے مطابق اب تک سب سے کم درجہ حرارت استور میں 2، اسکردو اور کالام میں 6 ڈگری سینٹی گریڈ ریکارڈ کیا گیا۔