سابق وزیراعظم نواز شریف بھی فیض آباد میں مذہبی جماعت کے دھرنے کے متاثرین میں شامل ہو گئے ،ان کے اسکواڈ کو ائرپورٹ جانے کے لئے طویل راستہ اختیار کرنا پڑا۔
اسلام آباد میں ٹریفک پولیس سابق وزیر اعظم نواز شریف کو مختلف سروس لائنوں سے ڈبل روڈ تک لائی، راولپنڈی میں داخل ہوتے ہی اسکواڈ ڈبل روڈ پر رش میں پھنس گیا ۔
ٹریفک پولیس کی گاڑی سائرن بجاتی ہوئی آگے چلتی رہی ، نواز شریف ایئرپورٹ کے قریب ترین راستوں پر رش کے سبب لمبا راستہ اختیار کرتے ہوئے مری روڈ سے صدر اور وہاں سے کچہری چوک کے راستے اسلام آباد ایئرپورٹ پہنچے ۔