برسبین ٹیسٹ: پہلے دن انگلینڈ 4 وکٹوں پر196رنز

23 نومبر ، 2017

First Test Australia V England At The Gabba Day One

برسبین ٹیسٹ کے پہلے روز کھیل کے اختتام پر انگلینڈ نے اپنی پہلی اننگز میں 4وکٹوں کے نقصان پر196رنز بنالئے، ملان 28اور معین علی 13رنز پر ناٹ آؤٹ ہیں۔

برسبین کرکٹ گراؤنڈپر انگلینڈ نے ٹاس جیت کر بیٹنگ کا فیصلہ کیا، انگلش ٹیم کو تیسرے ہی اوورمیں نقصان اٹھانا پڑا، الیسٹر کک صرف 2رنز بناکر اسٹارک کی گیند پر ہینڈز کومب کو کیچ دے بیٹھے۔

brisbane-day-1_02

ابتدائی نقصان کے بعد اسٹون مین اور ونس نے محتاط انداز میں بیٹنگ کی اور دوسری وکٹ کی شراکت میں 125رنز جوڑ کر ٹیم کی پوزیشن بہتر بنادی، اس موقع پر اسٹون مین 53رنز بناکر کومنزگیند پر کلین بولڈ ہوگئے۔

31اننگز کے بعد یہ پہلا موقع ہے جب دوسری وکٹ کی شراکت میں انگلش جوڑی نےسنچری اسکور کی ہے، اس سے قبل 2016ء میں الیسٹر کک اور جو روٹ نے مانچسٹر میں پاکستان کے خلاف 185رنز بنائے تھے۔

اسٹون مین کے آؤٹ ہونے کے بعد ونس بھی زیادہ دیر وکٹ پر نہ ٹھہر سکے اور غیرضروری رن لینے کی کوشش میں اپنی وکٹ گنوابیٹھے، وہ 83رنز بناکر پویلین لوٹے۔

brisbane-day-1_03