وزیراعظم کی زیرصدارت وفاقی کابینہ کا اجلاس آج ہوگا

وزیراعظم شاہد خاقان عباسی کی زیرصدارت وفاقی کابینہ کا اجلاس آج ہوگا، جس میں 20 نکاتی ایجنڈے پر غور کیا جائے گا۔

ذرائع کے مطابق وفاقی کابینہ ممنوعہ اسلحہ لائسنس کو ریگولیٹ کرنے کی منظوری دےگی۔

ذرائع کا کہنا ہے کہ وفاقی کابینہ غیرممنوعہ اسلحہ لائسنس سے پابندی اٹھانے کی بھی منظوری دے گی جبکہ ارکان پارلیمنٹ کی تنخواہوں اور الاؤنسزبڑھانے کا ترمیمی بل بھی ایجنڈے میں شامل ہے۔

نیپرا کے ممبر بلوچستان کی تعیناتی کی منظوری پر بھی کابینہ میں غور ہوگا۔

ذرائع کے مطابق مشترکہ مفادات کونسل کے مستقل سیکریٹریٹ کے قیام کی منظوری بھی ایجنڈے میں شامل ہے۔ اجلاس میں این آئی سی ایل کے چیف ایگزیکٹو آفیسر کو ہٹانے کا معاملہ بھی زیرغور آئےگا۔