پاکستانی حصص بازار میں آج کاروبار کا ایک اور منفی دن رہا، 100 انڈیکس 325 پوائنٹس کم ہو کر40ہزار 266 پوائنٹس پر بند ہوا۔
حصص بازار میں کاروبار کے آغاز پر رجحان ملا جلا رہا، جو جلد بجٹ خسارے کی متوقع خبروں پر منفی ہوگیا۔
آج کاروبار کےد وران 344 کمپنیوں کے 10 کروڑ شیئرز کے سودے ہوئے جن کی مالیت 5 ارب 37 کروڑ روپے رہی۔
کاروبار کئے گئے حصص میں 216 کمپنیوں کے حصص کی قیمت کم ہوئی، کاروبار کے اختتام پر مارکیٹ کیپٹلائزیشن 83 ارب روپے کم ہوکر 8357 ارب روپے ہوگئی۔