چینی ائیر لائن کا سمندر پار بائیو فیول پرواز کا پہلا کامیاب تجربہ

چینی ائیر لائن کا سمندر پار بائیو فیول سے چلنے والی پرواز کا پہلا تجربہ ،بیجنگ سے اڑان بھرنے والی آزمائشی پرواز نے شکاگو کے ائیر پورٹ پر کامیاب لینڈ نگ کی ۔

بیجنگ سے اڑان بھرنے والی ہینان ائیر لائن کی پرواز نے 11 ہزار کلومیٹر کا سفر طے کرکے شکاگوکے ائیر پورٹ پر لینڈ نگ کی طیارے میں ایندھن کی جگہ کوکنگ آئل کو بائیو فیول کے طور پر استعمال کیا گیا تھا۔

ائیر لائن حکام کے مطابق اس ایندھن سے فضا میں کاربن کے اخراج میں کمی لائی جا سکتی ہے ، ہینان ائیر لائن نے بائیو فیول سے چلنے والاپہلا ڈومیسٹک طیارہ 2015 میں بنایا تھا۔