کراچی کے علاقے نارتھ ناظم آباد بلاک ڈی اور ایف کے قریب واقع جھونپڑیوں میں آگ لگ گئی۔
فائر بریگیڈ حکام کے مطابق آگ لگتے ہی فائر بریگیڈ کی 4گاڑیاں آگ بجھانے کے لیے روانہ ہوئیں، جنہوں نے کچھ جدوجہد کے بعد آگ پر قابو پالیا۔
تفصیلات کے مطابق نارتھ ناظم آباد بلاک ڈی میں رات گئے پلاسٹک کے گودام میں اچانک آگ بھڑک اٹھی، جس نے چند لمحوں میں گودام سے متصل جھوپڑیوں کو بھی لپیٹ میں لے لیا۔
آگ لگنے کے باعث گودام میں موجود تمام سامان جل کر خاکستر ہوگیا ہے، تاہم خوش قسمتی سے اس واقعے میں کوئی جانی نقصان نہیں ہوا۔
فائر بریگیڈ حکام کے مطابق آگ پر قابو پانے کے بعد کولنگ کا عمل جاری ہے۔