ایف آئی اے نے کراچی میں ٹاور کے قریب منی چینجر کے دفتر پر کارروائی کے دوران حوالہ اور ہنڈی میں ملوث ایک ملزم کو گرفتار کرلیا۔
ایف آئی اے کے ذرائع کے مطابق گرفتار ملزم عدنان اب تک بھاری رقوم کی حوالہ اور ہنڈی کے ذریعے منتقلی میں ملوث ہے۔
ذرائع نے مزید بتایا ہے کہ ملزم کے 4 سے 5 بڑے فشریز کے تاجروں سے تعلقات سامنے آئے ہیں، جو رقوم بھیجی گئیں ان میں سے بعض ایک لاکھ ڈالر تک بھی ہیں۔
ملزم کراچی سے بیٹھ کر چینی اور بھارتیوں کے لیے بھی کام کرتا ہے، جس کے قبضے سے برآمد ہونے والے 34 لاکھ روپے ہنڈی کی رقم ہے۔
ذرائع نے یہ بھی بتایا ہے کہ ملزم کے قبضے سے برآمد ہونے والے موبائل فونز اور لیپ ٹاپس کی چھان بین کی جا رہی ہے۔