| |
Home Page
ہفتہ 27 ربیع الاوّل 1439ھ 16 دسمبر2017ء
November 30, 2017 | 11:14 am

سن2030ء تک روبوٹس 80 کروڑ ملازمتوں پر قبضہ کرلیں گے

Robots 2030 Will Occupy 80 Crores Jobs

Robots 2030 Will Occupy 80 Crores Jobs

ایک نئی تحقیق سے معلوم ہوا ہے کہ ٹیکنالوجی کے شعبے میں ہونے والی پیشرفت اور ترقی کی وجہ سے 2030ء تک روبوٹس مختلف صنعتوں پر قبضہ کرکے 80؍ کروڑ افراد کی ملازمتیں کھا جائیں گے۔

بین الاقوامی تھنک ٹینک میک کنسی گلوبل انسٹی ٹیوٹ کی ریسرچ کے مطابق روبوٹس کی تیاری اور ان کے بڑھتے استعمال کی وجہ سے اندازاً 40؍ سے 80؍ کروڑ لوگوں کی ملازمتیں جاتی رہیں گی۔

رپورٹ میں بتایا گیا ہے کہ دنیا میں مختلف دفاتر، فیکٹریوں اور دیگر مقامِ کار پر ہونے والے کام کے گھنٹوں میں سے صفر سے 30؍ فیصد تک کام روبوٹس کے حوالے کیا جا چکا ہوگا۔

رپورٹ کے مطابق جو لوگ سب سے زیادہ متاثر ہوں گے ان میں قابلِ پیشگوئی ماحول (پریڈکٹ ایبل اینوائرمنٹ) میں کام کرنے والے افراد، جیسا کہ مشین آپریٹرز، فاسٹ فوڈ بنانے والے لوگ، متاثر ہوں گےجبکہ ایسے لوگ جو ڈیٹا پراسیسنگ کا کام کرتے ہیں ان کے بھی متاثر ہونے کے امکانات زیادہ ہیں۔

رپورٹ کے مطابق، مالی، پلمبر، بچوں کی نگہداشت و نگرانی پر مامور افراد کو روبوٹس کے پھیلائو سے کم خطرہ ہے کیونکہ عموماً دیکھا جائے تو یہ کام مشینیں نہیں کر سکتیں اور ویسے بھی ان ملازمتوں کا معاوضہ بہت کم ہوتا ہے۔