• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی حکومت کا بلوچستان پولیس کیلئے 6 بکتربند گاڑیوں کا عطیہ

تازہ ترین
متفرق
06 دسمبر ، 2017
Us Government Donates 6 Armored Vehicles For Baluchistan Police

امریکی قونصل جنرل گریس شیلٹن نے کراچی میں ہونے والی ایک تقریب میں 15 کروڑ روپے (15 لاکھ امریکی ڈالر) مالیت کی 6 بکتربند گاڑیاں بلوچستان پولیس حکام کے حوالے کیں۔

امریکی کمپنی لینکو کی تیار کردہ یہ گاڑیاں بلوچستان کی دشوارگزار زمین کے لحاظ سے خصوصی طور ڈیزائن کی گئی ہیں جن کی مقامی طور پر دیکھ بھال اور مرمت آسان ہوگی۔

بکتربند گاڑیوں کے علاوہ امریکی حکومت نے بلوچستان پولیس کو حال ہی میں 4 ہزار بلٹ پروف جیکٹیں، باردوی سرنگوں اور دھماکاخیز مواد کی نشاندہی کرنے والے آلات، بم پروف سوٹ اور بم پروف کمبل بھی عطیہ کیے ہیں جن کی مجموعی مالیت 70کروڑ روپے سے زائد تھی۔

تقریب سے خطاب کرتے ہوئے امریکی قونصل جنرل گریس شیلٹن کا کہنا تھا کہ بلوچستان پولیس کے افسران کی حالیہ ٹارگٹ کلنگ ظاہر کرتی ہے کہ بلوچستان میں پولیس کو کتنے سخت خطرات درپیش ہیں اور ہمیں سیکیورٹی اہلکاروں کی حفاظت کے مختلف طریقے اختیار کرنے سے غافل نہیں رہنا چاہیے۔

انہوں نے مزید کہا کہ امریکی حکومت کو امید ہے کہ یہ بکتربند گاڑیاں اور حفاظتی سازوسامان جرائم اور دہشت گردی کے خلاف لڑنے والے بہادر پولیس اہلکاروں کی حفاظت یقینی بنانے میں مددگار ہوں گے۔

تازہ ترین