ویرات انوشکا کی شادی میلان میں ہونے کی تصدیق

بھارتی کرکٹ ٹیم کے کپتان ویرات کوہلی کی اداکارہ انوشکا شرما سے شادی اٹلی کے شہر میلان میں ہونے کی تصدیق ہوگئی۔

ایک بھارتی چینل کے مطابق دونوں خاندان آج رات اٹلی کیلئے روانہ ہورہے ہیں۔

گزشتہ روز خبر آئی تھی کہ دونوں با لآخر شادی کے بندھن میں بندھ رہے ہیں، شادی میں صرف خاندان کے لوگ شریک ہوں گے۔

ویرات کوہلی نے اس کیلئے سری لنکا کے خلاف ٹی ٹوئنٹی سیریز سے اپنا نام واپس لے لیا ہے تاکہ شادی کیلئے وقت نکالا جاسکے۔