پنجاب میں سستی گیس لینے والی6 ہزار صنعتوں کو دو ماہ کے لیے گیس کی سپلائی بند کردی گئی ہے۔
ایم ڈی سوئی ناردرن گیس امجد لطیف نے جیو نیوز سے گفتگو میں کہا ہے سردیوں میں گھریلو صارفین کو گیس کی فراہمی ترجیح ہے ،ملک بھرکی 6 ہزار صنعتوں کو دو ماہ کے لیے گیس کی سپلائی بند کردی ہے،یہ وہ صنعتیں ہیں جو سستی گیس لے رہی تھیں۔
انہوں نے کہا کہ بند کی جانے والی گیس سردیوں کے بعد فروری مارچ میں بحال ہو گی،ان صنعتوں سے ملنے والی گیس گھریلو صارفین کو دیں گے، اگر ان صنعتوں نے گیس لینی ہے تو آرایل این جی والی لے سکتے ہیں۔
امجد لطیف نے بتایا کہ چھاپوں کے دوران لاہور میں 150 غیرقانونی کمپریسرپکڑے گئے۔
انہو ں نے مزید کہا کہ سردیوں میں کوشش ہوگی گھریلو صارفین کو گیس کی قلت نہ ہو۔