مصری نژاد برطانوی ارب پتی محمد الفاید کے خلاف تین خواتین نے مبینہ طور پر ہراساں کرنے کے الزامات عائد کیے ہیں اور دعویٰ کیا ہے کہ الفاید نے انہیں جنسی طور پر ہراساں کیا تھا۔
رپورٹس کے مطابق دودی الفاید کے والد 88 سالہ الفاید برطانیہ کی معروف کاروباری شخصیت ہیں۔ وہ ’ہاروڈز‘نامی ایک کاروباری مرکز کے مالک تھے۔
لندن میں قائم اس کاروباری مرکز کا شمار یورپ کے مشہور تجارتی مراکز میں ہوتا ہے مگر انہوں نے 2010ء میں یہ مرکز قطری ہولڈنگ کمپنی کو ڈیڑھ ارب آسٹریلوی پاؤنڈز میں فروخت کردیا تھا۔
برطانیہ کے ٹی وی چینل 4 پر 3 خواتین نے الزام عائد کیا کہ محمد الفاید نے انہیں جنسی طور پر ہراساں کیا ہے۔
تاہم ان میں تینوں الزامات میں ایک خطرناک الزام اس لڑکی کی طرف سے سامنے آیا ہے جسے الفاید کی طرف سے مبینہ طور پر چھیڑنے کے وقت اس کی عمر17 سال تھی۔