بھارت: مسجد کے امام کو زندہ جلانے کی کوشش ناکام

بھارت میں انتہا پسندوں کی جانب سے جامع مسجد کے امام کو زندہ جلانے کی کوشش مسلمان اور ہندئوئوں نے ملکر ناکام بنادی ۔

بھارتی میڈیا کے مطابق ریاست اترپردیش میں ضلع علی گڑھ کے جٹاری ٹاون میں واقع جامع مسجد کے امام کو زندہ جلانے کی کوشش کی گئی۔ حکام کا کہنا ہے کہ صبح ساڑھے10بجے جامع مسجد کے امام محمد سبیب رضا نے اپنے کمرے کے قریب سے آتی ہوئی آواز سنی ۔

جیسے ہی وہ کمرے کے اندر گئے شرپسند عناصر نے دروازہ باہر سے بندکردیا اور انہیں زندہ جلانے کی کوشش کی۔ اندر پٹرول چھڑک کر کھڑکی سے ماچس کی جلتی ہوئی تیلی کمرے میں پھینک دی۔

جس سے پورا کمرہ شعلوں کی نذر ہوگیا۔ اس صورتحال سے خوفزدہ امام نے موبائل فون پر پڑوسیوں کو اطلاع دی۔مقامی ہندو اورمسلمان دونوں جمع ہوگئے اور انہیں بروقت بچالیا۔پولیس نے نامعلوم افراد کے خلاف مقدمہ درج کرلیا ۔