تحریک لبیک یارسول اللہ صلی اللہ علیہ وسلم پاکستان کے سربراہ خادم حسین رضوی کا کہنا ہے کہ یہود ونصاریٰ کا مقابلہ باتوں سے نہیں عمل کرنے سے ہوگا۔
تحریک لبیک یارسول اللہ صلی اللہ علیہ وسلم کے تحت بیت المقدس کو اسرائیلی دارالحکومت تسلیم کرنے کے امریکی فیصلے کے خلاف ریلی نکالی گئی ، ریلی کے شرکاء بہادرآباد چورنگی سے نمائش چورنگی تک گئے۔
ریلی سے تحریک کے سربراہ خادم حسین رضوی نے ٹیلی فونک خطاب کیا۔
ان کا کہنا تھا کہ عالم اسلام آج پھر سلطان صلاح الدین ایوبی کا منتظرہے، انھوں نے کہا کہ قبلہ اول کی حفاظت کے لئے امت مسلمہ کے ہر ملک کو دینی اور اخلاقی ذمہ داری ادا کرنا ہوگی۔