اے ٹی سی عمران کیخلاف مقدمات کی سماعت کل کرے گی

چیئرمین پاکستان تحریک انصاف عمران خان کے خلاف چار مقدمات کی سماعت کل انسداد دہشت گردی کی عدالت میں ہوگی، عمران خان کی ضمانت اور عدالتی دائرہ اختیار کے خلاف درخواست پر بحث ہو گی۔

انسداد دہشت گردی کی عدالت کے جج شاہ رخ ارجمند چیئرمین پی ٹی آئی عمران خان کے خلاف پی ٹی وی و پارلیمنٹ حملوں، سابق ایس ایس پی تشدد سمیت چار مقدمات کی سماعت کرےگی۔

عمران خان کا گیارہ دسمبر کو چوتھی بار انسداد دہشت گردی عدالت کے روبرو پیش ہونے کا امکان ہے۔

عمران خان نے متفرق درخواست کے ذریعے مقدمے میں انسداد دہشت گردی ایکٹ کی دفعات اور عدالتی دائرہ اختیار کو چیلنج کر رکھا ہے جس پر کل بحث کی جائے گی۔