مشفق الرحمان سےکپتانی چھن گئی ،شکیب قیادت کریں گے

بنگلہ دیش کرکٹ بورڈ نے ٹاپ آل رائونڈر شکیب الحسن کو آئندہ ماہ دورئہ سری لنکا کیلئےمشفق الرحیم کی جگہ ٹیسٹ ٹیم کا کپتان مقرر کردیا ہے، محمود اللہ نائب کپتان ہوں گے۔

شکیب سے قبل یہ ذمہ داری تمیم اقبال سنبھال رہے تھے، وکٹ کیپر بیٹسمین مشفق الرحیم2011 سے ٹائیگرز کی قیادت کررہے تھے۔

شکیب الحسن کو کپتان بنانے کا اعلان کرتے ہوئے بورڈ کے صدر نظم الحسن کا کہنا تھا کہ ہم تبدیلی کی وجوہات پر زیادہ بات نہیں کرسکتے تاہم خواہش ہے کہ مشفق الرحیم بیٹنگ پر زیادہ توجہ دیں۔

خیال رہے کہ مشفق کی قیادت میں بنگلہ دیش نے 34 ٹیسٹ میچز کھیلے، سات جیتے ، 18میں شکست کھائی جبکہ باقی نو ٹیسٹ میچز ڈرا ہوئے۔