دنیا بھرکے مختلف ممالک میں جہاں موسم سرما کی آمد نے اپنے آنے کی نوید سنا دی ہے وہیں اس موسم میں چین میں ہر سو پھیلی ہوئی برف نے یہاں رہنے والے منچلے نوجوانوں کوبھی خوب تفریح فراہم کردی ہے ۔
جناب اس سرد موسم کو صرف نوجوان ہی انجوائے نہیں کر رہے بلکہ یہ 72سالہ بوڑھی خاتون بھی کسی سے پیچھے نہیں۔
ایڈونچر کی شوقین اس خاتون نے برف سے ڈ ھکی گلیوں میں نہایت مہارت اور بھرپور توجہ کے ساتھ منفرد انداز میں اسکیٹنگ کرکے دیکھنے والوں کو حیران کردیا ہے۔
اسکیٹنگ کی ماہرانہ صلاحیتوں سے بھرپوراس خاتون نے حیرت انگیز اور خطرناک کرتب دِکھا کر شائقین کو داد دینے پر مجبور کردیا۔