| |
Home Page
پیر4؍ جمادی الاوّل 1439ھ 22 ؍ جنوری2018ء
December 11, 2017 | 02:32 pm

بیرون ملک جانے سے پہلے بینک اکاؤنٹ کھولنا لازمی ہوگا؟

Before Going Abroad Bank Account Must Be Opened

Before Going Abroad Bank Account Must Be Opened

بیرون ملک جانے والے تمام پاکستانیوں کے لیے اندرون ملک بینک اکاؤنٹ کھولنا لازمی قرار دیئے جانے پرحکومتی غورو غوص شروع ہوگیا ہے۔ جو افراد بھی اندرون ملک اکاؤنٹ کھلوائیں گے انہیں بیرون ملک سے رقم بھجوانے پر سہولتیں بھی دیئے جانے کا امکان ہے۔

اس حوالے سے اسٹیٹ بینک کے ایگزیکٹو ڈائریکٹر سید عرفان علی کا کہنا ہے کہ اکاؤنٹ ہر اس پاکستانی شہری کو کھلوانا ہوگا جو نوکری کی غرض سے ملک سے باہر جائے گا۔ فی الوقت یہ لازم نہیں تاہم امکان ہے کہ اگلے برس سے بینک اکاؤنٹ کی شرط لازمی کردی جائے گی۔

انہوں نے بتایا کہ نجی بینکوں میں یہ اکاؤنٹ کھلوانے والے اوورسیز پاکستانیوں کو بینکوں کی جانب سے مختلف سہولیات فراہم کی جائیں گی، یہ اکاؤنٹ صرف بیرون ملک سے پاکستان رقم منتقلی (ریمی ٹینس) کے لیے استعمال ہوگا جس میں کوئی اور رقم جمع نہیں کرائے جاسکے گی۔

اسٹیٹ بینک حکام کے مطابق ان اقدامات کا مقصد اوورسیز پاکستانیوں کو بینک اکاؤنٹ کی سہولت فراہم کرکے اس طرف راغب کرنا ہے کہ وہ اپنی رقوم کسی اور ذریعے سے بھیجنے کے بجائے اس قانونی راستے سے وطن منتقل کریں۔