کرکٹر محمد عرفان کا نام ای سی ایل سے نکال دیا گیا

فاسٹ بولر محمد عرفان کا نام ایگزٹ کنٹرول لسٹ سے نکال دیا گیا ، اُن کی اسلام آباد میں موجودگی کی وجہ سے اسپاٹ فکسنگ کیس میں شاہ زیب حسن کی سماعت نہ ہو سکی۔

اسپاٹ فکسنگ کیس میں نام سامنے آنے کے بعد وزارت داخلہ نے کرکٹرز کو ایگزٹ کنٹرول لسٹ میں ڈال دیا تھا، جس میں محمد عرفان کا نام بھی شامل تھا۔

اب بیرون ملک لیگ کھیلنے کےلیے محمد عرفان نے وزارت داخلہ سے ای سی ایل سے نام نکالنے کےلیے رابطہ کیا ہے جس کے بعدان کا نام ای سی ایل سے ختم کر دیا گیا ہے۔

اس سے قبل محمد عرفان نے نام نکلوانے کے لیے ہائی کورٹ سے رابطہ کیا تھا، جس پر انہیں عمرہ کرنے کی اجازت ملی تھی۔