دوریاستی حل کے حامی، سفارتخانہ یروشلم منتقل نہیں کرینگے،یورپی یونیں

یورپی یونین میں اسرائیلی وزیراعظم نے نرالی منطق پیش کرتےہوئے یروشلم کودارالحکومت تسلیم کئے جانے کو مشرق وسطیٰ کے امن کےفروغ سےجوڑ دیا۔جبکہ ای یو خارجہ امور کی سربراہ فیدریکا موگرینی نے کہا کہ سفارتخانہ یروشلم منتقل نہیں کرینگے، دوریاستی حل کےحامی ہیں۔

دوسری جانب یورپی یونین کی خارجہ امورکی سربراہ نے سفارتخانے کو یروشلم منتقل نہ کرنے کا اعلان کردیا۔اسرائیلی وزیراعظم نیتن یاہو کا کہنا تھاکہ اب وقت ہے کہ فلسطینی اتھارٹی،یروشلم کو یہودی ریاست کے دارالحکومت کے طورپر تسلیم کرلے۔

انہوں نے توقع ظاہرکی کہ بہت سے یورپی ممالک یروشلم کواسرائیلی دارالحکومت تسلیم کرلیں گے،ٹرمپ نےیروشلم کواسرائیلی دارالحکومت تسلیم کرکےحقیقت کوتسلیم کیا ہے۔

انہوں نے یورپ پر احسان جتاتےہوئےکہا کہ اسرائیلی انٹیلیجنس نےیورپ کو درجنوں حملوں سےمحفوظ رکھا۔جب کہ ای یوخارجہ امورکی سربراہ فیڈیرکا موگرینی کا کہنا ہے فلسطین اسرائیل تنازع کے دوریاستی حل کےحامی ہیں۔یورپی سفارتخانہ یروشلم منتقل نہیں کرینگے۔