روس نے کہا ہے کہ وہ دہشت گردوں کے محفوظ ٹھکانوں کے خاتمے کے لئے پاکستان کیساتھ تعاون کیلئے تیار ہے۔
روس، چین اور بھارت کے وزراء خارجہ کی 15ویں سہ فریقی اجلاس کے بعدنئی دہلی میڈیا سے گفتگو میں سرگئی لیوروف نے کہا کہ یہ پاکستان کے اپنے مفاد میں ہے کہ وہ دہشت گرد تنظیموں کو اپنی سرزمین استعمال نہ کرنے دے ۔
ان کا مزید کہنا تھا کہ ہم اس سلسلے میں پاکستان سے تعاون کے لئے تیار ہیں اور میرا خیال ہے کہ ہر ملک کو ایسا کرنا چاہیے ۔
اس موقع پر بھارتی وزیر خارجہ ششما سوراج نے کہا کہ سہ فریقی اجلاس میں تینوں ملکوں کے وزراء خارجہ نے دہشت گردی مشرق وسطی اور شمالی افریقہ کی سیاسی صورتحال اور عالمی معیشت کو درپیش چیلنجز ، منظم جرائم، منشیات کی سمگلنگ، غذائی تحفظ اور ماحولیاتی تبدیلی پر تبادلہ خیال کیا۔
چین کی وزیرخارجہ وانگ ژی نے کہا کہ تینوں ملکوں کی بڑی عالمی ذمہ داریاں ہیں اور انہیں دنیا میں مثبت پیشرفت یقینی بنانے کےلئے کردار ادا کرنا چاہیے۔
انہوں نے کہاکہ اجلاس میں ہم نے عالمی صورتحال اور مشترکہ مفادات کے معاملات پر تفصیلی غور کیا ہے یہ ایک موثر عملی اور کامیاب اجلاس تھا۔