دھماکا دہشت گردی تھی، میئر نیو یارک

امریکا کے شہر نیویارک کے علاقے مین ہیٹن میں دھماکا پولیس کے مطابق بس ٹرمینل میں کیا گیا اور یہ دیسی ساختہ ڈیوائس کے ذریعے کیا گیا ۔مشتبہ تخریب کار زخمی حالت میں گرفتار کرلیا گیا۔

اس حوالے سے نیویارک کے میئر بل ڈی بلاسیو کہتے ہیں کہ یہ دہشت گردی کی کوشش تھی،اور اسکا مقصد دہشت پھیلانا تھا، تاہم خداکا شکر ہے کہ حملہ آور اپنی کوشش میں کامیاب نہ ہوسکا۔

پیر کی صبح ہونے والے اس حملے ایک ملزم کو حراست میں لیا گیا ہے، جسکا نام عقائد اللہ معلوم ہوا ہے۔اس حملے میں حملہ آور خود بری طرح زخمی ہوا ہے جبکہ تین دیگر افراد معمولی زخمی ہیں۔

ادھر نیویارک کے گورنر اینڈریو کومو نے کہا کہ یہ ایک موثر قسم کا کمتر ٹیکنالوجی پر مبنی بم تھا، لیکن خوش قسمتی سے اسکے متاثرین بہت معمولی زخمی ہوئے اور حملہ آور اپنی کوشش میں ناکام بھی ہوا اور پکڑا بھی گیا ہے۔گو کہ صبح کے وقت آنے والی اطلاعات کافی خوفزدہ کردینے والی تھیں تاہم بعد میں آنے والی خبریں کافی تسلی بخش تھیں۔