پشاور یورنیورسٹی انتظامیہ نے فیسوں میں اضافہ واپس لے لیا

پشاور یونیورسٹی کی انتظامیہ نے طلباء کے شدیداحتجاج کے بعد فیسوں میں کیا جانے والا 10 فی صد اضافے کا فیصلہ واپس لے لیا ہے۔ حکام کے مطابق فیصلہ سنڈیکیٹ کے اجلاس میں کیا گیا ہے۔

پشاور یونیورسٹی میں متحدہ طلباء محاذ کی جانب سے فیسوں میں اضافے کے خلاف احتجاج کے سامنے بالاآخر یونیورسٹی انتظامیہ نے گھٹنے ٹیک دیئے ۔

یونیورسٹی حکام کے مطابق فیسوں میں کیا گیا 10 فی صد اضافے واپس لینے کا فیصلہ سنڈیکیٹ اجلاس میں کیا گیا۔

اجلاس کی صدارت وائس چانسلر ڈاکٹر محمد آصف نے کی۔ اجلاس میں فیسوں کے معاملے اور یونیورسٹی کے دیگر امور زیر بحث لائے گئے۔

حکام کا کہنا ہے کہ فیسوں میں کمی کا باقاعدہ نوٹیفیکیشن جلد جاری کردیا جائے گا۔