مجوزہ فیوچر ٹوور پروگرام میں پاکستان کرکٹ بورڈ بھارتی سیریز پر فیصلے کا منتظر ہے ذرائع پی سی بی کے مطابق پی سی بی نے19میچز کی سلاٹ بھارت سے میچز کیلئےکھلی رکھی ہے۔
واضح رہے انٹرنشنل کرکٹ کونسل کی جانب سے جاری مجوزہ فیوچر ٹوور پروگرام کے تحت پاکستان اور بھارت کے درمیان کوئی سیریز شامل نہیں کی گئی۔
ذرائع کا مزید کہنا تھا کہ پی سی بی ڈسپیوٹ کمیٹی کےفیصلے تک ایف ٹی پی پرسائن نہیں کرے گا، فیصلہ پی سی بی کےحق میں آیا تو بورڈ بھارت سے میچز ایف ٹی پی میں شامل کرائے گا اگر فیصلہ خلاف آیا تو پی سی بی نئی ٹیم کےساتھ سیریز شیڈول جاری کرے گا۔
خیال رہے پاکستان کرکٹ ٹیم اگلے چار سال میں 28 ٹیسٹ کھیلے گی، آئی سی سی کے 2019ء سے 2023ء تک کیلئے تیار کئے جانے والے مجوزہ فیوچر ٹوور پروگرام کی تفصیلات سامنے آگئی ہیں۔
مجوزہ فیوچر ٹوور پروگرام کی تفصیلات کے مطابق پاکستانی ٹیم چار سال کے دوران 28ٹیسٹ، 38ون ڈے اور 38ٹی ٹوینٹی میچز کھیلے گی۔