امریکا میں جنجر بریڈ سے ماڈل بنانے کے سالانہ مقابلے

کرسمس کی آمد میں اب صرف چند روز ہی باقی رہ گئے ہیں اور ہر گزرتے دن کے ساتھ دنیا کے مختلف ممالک میں مختلف تقریبات اور مقابلوں کا انعقاد کیا جارہا ہے۔

اس ہی تہوا ر کی مناسبت سے امریکی ریاست نارتھ کیرولینا میں بھی ایک دلچسپ مقابلے کا انعقاد کیا گیا، جس میں شرکاء کو جنجر بریڈ سے گھروں کے ماڈلز تیار کرنے تھے۔

25ویں سالانہ اس مقابلے میں مختلف شعبہ ہائے زندگی سے تعلق رکھنے والے 170سے زائد افراد نے حصہ لیا اور جنجر بریڈ سے تیار کیے گئے ماڈلز پیش کیے۔

جنجر بریڈ کے ان ماڈلز کو بعد ازاں نمائش کے لیے پیش کیا گیا جو دیکھنے والوں کی توجہ کا مرکز بنے ہوئے ہیں۔

واضح رہے کہ مقامی ہوٹل میں منعقد ہونے والی یہ نمائش جنوری 2018تک جاری رہے گی۔