سپریم کورٹ کے نااہلی فیصلے پر جہانگیر ترین کا ردعمل

تحریک انصاف کے جنرل سیکریٹری جہانگیر ترین نے کہاہے کہ سپریم کورٹ نے مجھے ٹرسٹ ڈیڈ کی محض تشریح پر نااہل قرار دیا ہے ۔

سوشل میڈیا پر نااہلی کے سپریم کورٹ کے فیصلے پر ردعمل دیتے ہوئے جہانگیر ترین نے کہا کہ فخر ہے، مجھ پر لگائے گئے بدعنوانی کے تمام الزامات مستر د ہوئے۔

ان کا مزید کہناتھاکہ تحریک انصاف اور پاکستان کی بہتری کے لئے پوری قوت سے کام کیا ،نئے پاکستان کے لئے اپنا کام جاری رکھوں گا ۔

جہانگیر ترین نے یہ بھی کہا کہ مجھ پراختیارات کےغلط استعمال،انسائیڈٹریڈنگ ،زرعی آمدن چھپانے اورقرضوں کی معافی کے الزامات تھے۔

انہوں نے کہا کہ لندن پراپرٹی کو 2011ء سے بچوں کا اثاثہ ظاہر کیا ،اس کی مکمل منی ٹریل چھپائی نہیں بلکہ قبول کی ۔

پی ٹی آئی رہنما نے کہا کہ مجھ پر لگنے والے تمام الزامات مسترد کردیے اور سپریم کورٹ نے ٹرسٹ ڈیڈ کی محض تشریح پر نااہل قرار دیا ہے ۔