الیکشن کمیشن آف پاکستان نے تحریک انصاف کے رہنما جہانگیر ترین کو ڈی سیٹ کرنے کا نوٹی فکیشن جاری کردیا ۔
الیکشن کمیشن نے پی ٹی آئی کے جنرل سیکریٹری اور این اے 154 لودھراں سے رکن قومی اسمبلی جہانگیر ترین کو سپریم کورٹ کے حکم پر ڈی سیٹ کیا ہے ۔
سپریم کورٹ کے حنیف عباسی کی درخواست پر فیصلہ دیتے ہوئے جہانگیر ترین کو نااہل قرا ردیا اور الیکشن کمیشن کو نوٹیفکیشن جاری کرنے کا حکم دیا تھا ۔
ذرائع کے مطابق الیکشن کمیشن کے نوٹیفکیشن کے بعد این اے 154 لودھراں کی نشست خالی ہوگئی ہے ، اس پر ضمنی الیکشن کا فیصلہ جلد کئے جانے کا امکان ہے ۔