بھارت: مشتعل ہجوم نے اغواکاروں کی درگت بنادی

بھارتی ریاست گجرات میں مشتعل ہجوم نے دو اغواکاروں کو پکڑ کر خوب دھویا اور پھر پولیس کے حوالے کر دیا۔

اغواکاروں نے ایک 7سالہ بچے کو اس کے گھر کے دروازے سے اغوا کرلیا اور موٹر سائیکل پر فرار ہوگئے۔

گھر میں لگے کیمرے کی فوٹیج کی مدد سے بچے کی ماں نے ایک اغواکار کی تصویر اور اپنا پیغام واٹس ایپ پر ڈالا جو کچھ ہی دیر میں وائرل ہوگیا۔

کچھ ہی دیر میں مقامی افراد نے اغواکاروں کو پکڑلیا اور رسیوں کے ذریعے ایک کھمبے سے باندھ کر ان کی خوب درگت بنائی اور بعد ازاں پولیس کے حوالے کردیا۔