آج نوازشریف کے ساتھ ناانصافی کی تصدیق ہوگئی ،مریم نواز

سابق وزیراعظم نوازشریف کی صاحبزادی مریم نوازنے کہا ہے کہ آج کےفیصلےنےتاثرپرمہرتصدیق ثبت کردی نواز شریف سےناانصافی ہوئی۔

سماجی رابطے کی ویب سائٹ ٹوئٹر پر عمران خان نااہلی کیس میں سپریم کورٹ کے فیصلے پر ردعمل دیتے ہوئے مریم نواز نے کہا کہ نواز شریف پر ایک خیالی تنخواہ ظاہر کرنا ضروری ٹھرا،اب شک کی کوئی گنجائش نہیں کہ عوام کا اصل نمائندہ نواز شریف ہے ۔

ان کا مزید کہناتھاکہ کبھی سازش،کبھی دھرنوں اور کبھی احتساب نامی انتقام کاہدف صرف نوازشریف ہے، ثابت ہوگیا کہ اقامہ صرف بہانہ تھا ،نوازشریف نشانہ تھا ۔

مریم نواز نے کہا کہ جج صاحب ! آپ کو صفائی دینے کی ضرورت کیوں محسوس ہوئی ؟کیا آپ پاناما بنچ کا حصہ تھے؟ کیا آپ نواز شریف کے خلاف کسی سماعت کا حصہ رہے؟