انڈر 19 ورلڈ کپ، آسٹریلوی ٹیم میں لیجنڈ اسٹیوا واکا بیٹا شامل

آسٹریلین کرکٹ لیجنڈ اسٹیو وا کا بیٹا آسٹن انڈر 19 ورلڈ کپ کے لیے آسٹریلین ٹیم میں منتخب ہوگیا ہے۔

ایونٹ کے لیے بھارتی نژاد جیسن سنگھا کو کپتان مقرر کیا گیا ہے جبکہ کرکٹ آسٹریلیا کے چیف ایگزیکٹو جیمز سدر لینڈ کے صاحبزادے ول سدرلینڈ نائب کپتان ہوں گے۔

جیمز سدر لینڈ کے صاحبزادے ول سدرلینڈ بولنگ کے دوران

کرکٹ آسٹریلیا کی طرف سے اعلان کردہ اسکواڈ میں ان کے علاوہ زیویئر بارٹلیٹ، میکس برائنٹ، جیک ایڈورڈز، زیک ایوانز، جیرڈ فری مین، رائن ہیڈلی، بیزٹر ہولٹ، نیتھن میک سوینی، جوناتھن مرلو، لائڈ پاپ، جیسن ریلسٹن، پرم اپل اور آسٹن وا شامل ہیں۔

واضح رہے کہ انڈر 19 ورلڈ کپ نیوزی لینڈ میں آئندہ سال جنوری میں کھیلا جائے گا۔