ڈیجیٹل نظام پیداواری نشوونما کو نگل سکتا ہے، بینک آف انگلینڈ

بینک آف انگلینڈ کی حالیہ رپورٹ میں کہا گیا ہے کہ انفارمیشن ٹیکنالوجی انسانی کارکردگی کو متاثر کر رہی ہے۔ یہاں تک ثبوت ہیں کہ ڈیجیٹل نظام پیداواری نشوونما کو نگل سکتا ہے۔

بینک آف انگلینڈ کے ڈین نکسن نے ایک مضمون میں لکھا کہ اسمارٹ فون رکھنے والے ہر سات منٹ میں ایک سے دوبار اپنا موبائل فون استعمال کرتے ہیں۔ کام کے دوران ای امیلز اور فون کالز وصول کرنے سے ملازمین کا آئی کیو لیول متاثر ہوتا ہے۔

ان کا کہنا تھا کہ ڈیجیٹل انتشار خوشی کے احساس کو بھی کم کردیتا ہے۔ سن 2007 میں بھی میسا چیوسیٹ انسٹی ٹیوٹ آف ٹیکنالوجی اور بوسٹن یونیورسٹی کی ایک رپورٹ میں کہا گیا تھا کہ انفارمیشن ٹیکنالوجی کا استعمال ملازمین کی پیداواری صلاحیت پر اثر انداز ہوتا ہے۔