’ورشکا‘ کا ہنی مون شروع، شادی ناکام ہوگی، پیش گوئی

ورشکا یعنی کوہلی اور انوشکا ایک دوسرے کو اپنانے کے بعد ہنی مون کیلئے نامعلوم مقام پر پہنچ چکے، وہ کتنے خوش ہیں اس کا پتہ ان کی برف پوش پہاڑوں کے درمیان لی گئی سیلفی سے چلتا ہے۔

مسز ویراٹ کوہلی نے تصویر کے ساتھ لکھا ہے کہ خود کو جنت میں محسوس کررہے ہیں۔ لیکن کیا کیا جائے کہ بھارتی توہم پرست جوتشی ابھی سے ان کی شادی کے پیچھے پڑ گئے ہیں۔

جالندھر کے جوتشی پنڈت شرما نے انکشاف کیا ہے کہ ان کی شادی کا مہورت یعنی 11 تاریخ غلط تھی۔ یہ تاریخ منحوس سمجھی جانے والی 13 تاریخ سے بھی بری ہے۔ یہ بندھن زیادہ دیر نہیں چل پائے گا۔

اپنے دعوے کے ثبوت میں انہوں نے مذہبی کتابوں کا حوالہ سمیت معروف اداکار رہیتک روشن، کرشمہ کپور، اور سیاست دان راہول مہاجن کی ناکام شادیوں کی مثالیں دی ہیں۔

انہی میں ایک اور پنڈت راجیو شور بھی شامل ہیں،وہ بھی مہورت کو غلط مانتے ہیں ۔ ان کا کہنا تھا کہ ریتک روشن اور سوزین خان کی شادی سے متعلق میری پیشگوئی 13 سال بعد درست ثابت ہوئی۔

انہوں نے کہا کہ غلط وقت اور غلط جگہوں پر کیے گئے فیصلوں کے منفی اثرات ضرور آتے ہیں۔