ایشین نیٹ بال چیمپئن شپ کے سیمی فائنل میں پاکستان نے سنگاپور کو شکست دے کر فائنل کے لیےکوالیفائی کرلیا جہاں اس کا مقابلہ بھارت سے مقابلہ ہوگا۔
گزشتہ روز پاکستان اور سنگاپور کے درمیان دوسرا سیمی فائنل کھیلا گیا جس میں دونوں ٹیموں نے بہترین کھیل پیش کیا ، تاہم پاکستان نے سنگاپور کو سخت مقابلے کے بعد 63 کے مقابلے 75 گولوں سے شکست دے کر فائنل میں جگہ بنا لی۔
پاکستان کی طرف سے محمد اختر اور عابد علی نے بہترین کھیل پیش کیا۔
چیمپئن شپ کے فائنل میں اتوار کےروز پاکستان کا مقابلہ روایتی حر یف بھارت سے ہوگا۔
واضح رہے کہ بھارت نے پہلے سیمی فائنل میں ملائیشیا کو 44 کے مقابلے47 گولوں سے شکست دے کر فائنل کے لئے کوالیفائی کیا تھا۔