فلسطین میں اسرائیلی فوج کی فائرنگ سے شہید فلسطینی نوجوان باسل ابراہیم کی نمازجنازہ ادا کر دی گئی، اسرائیلی فوج کی فائرنگ سے 9 روز کے دوران 11 فلسطینی شہید ہوگئے ہیں۔
میڈیا رپورٹس کے مطابق29 سالہ ابراہیم کی نماز جنازہ میں سینکڑوں افراد نے شرکت کی، تدفین کے بعد اسرائیلی مظالم کے خلاف احتجاج میں مظاہرین اور اسرائیلی فورسز کے درمیان جھڑپیں ہوئیں۔
میڈیا رپورٹس کے مطابق اس موقع پر اسرائیلی فورسز نے مظاہرین پر آنسو گیس شیلنگ کی اور ربر کی گولیاں فائرکیں۔
گزشتہ روز اسرائیلی فوج کی فائرنگ سے 4فلسطینی شہید اور 150 سے زائد زخمی ہوئے تھے۔