متحدہ قومی موومنٹ پاکستان کے سربراہ ڈاکٹر فاروق ستار نے کہا ہے کہ پاک فوج نے جواں مردی کے ساتھ آپریشن کئے لیکن وفاقی اورچاروں صوبائی حکومتوں نے اپنی ذمہ داری کو پورا نہیں کیا۔
ایم کیو ایم کے تحت سانحہ پشاور ، سقوط ڈھاکا، سانحہ قصبہ علی گڑھ کی یاد میں دعائیہ اجتماع کے بعد میڈیا سے گفتگو میں فاروق ستار نے کہا کہ ملک سے اگر مکمل دہشت گردی کوختم کرنا ہے توانتہا پسندی کا خاتمہ ضروری ہے۔
ان کا کہنا تھا ملک سے انتہا پسندی کے خاتمے کے بغیر دہشت گردی ختم نہیں ہوسکتی، ملک دہشت گردی اور انتہا پسندی کے خاتمہ کیلئے متفقہ منظوری کے بعد بھی نیشنل ایکشن پلان پرمکمل عمل نہیں کیا گیا۔
دعائیہ اجتماع میں رابطہ کمیٹی کے اراکین سمیت کارکنوں کی بڑی تعداد نے شرکت کی اور شہداء کے ایصال ثواب کے لئے خصوصی دعا کی گئی ۔