یونیسکو کے زیر اہتمام عربی زبا ن کا عالمی دن کل منایا جائیگا

اقوام متحدہ کے ذیلی ادارے یونیسکوکے زیر اہتمام18 دسمبر کو عربی زبان کا عالمی دن منایا جارہا ہے۔

یہ دن مختلف ثقافتوں اور تہذیبوں میں معلومات کے فروغ میں عربی زبان کے کردار کے اعتراف میں منایا جاتا ہے۔

عربی زبان کا عالمی دن منانے کا مقصد مختلف زبانیں بولنے والے لوگوں کو ایک دوسرے کے قریب لانا ہے، ان کے درمیان ثقافتی ہم آہنگی پیدا کرنا اور مختلف تہذیبوں کے درمیان ڈائیلاگ کو فروغ دینا ہے۔

یونیسکو کے مطابق آج عرب دنیا میں تقریباً 422ملین سے زائد افراد عربی بولتے ہیں اور دنیا بھر سے تعلق رکھنے والے ڈیڑھ ارب سے زیادہ مسلمان عربی زبان کو کسی نہ کسی شکل میں استعمال کرتے ہیں۔

واضح رہے کہ 18دسمبر 1973ء کو اقوام متحدہ کی جنرل اسمبلی نے عربی زبان کو اپنی سرکاری زبانوں میں شامل کیا تھا۔